Landsvirkjun er orkufyrirtæki þjóðarinnar. Þau vinna rafmagn úr endurnýjanlegum orkugjöfum; vatni, varma og vindi.
Landsvirkjun leikur lykilhlutverk í orkuskiptum á Íslandi og leggur sitt af mörkum fyrir kolefnishlutlausan heim. Þau huga að grænni framtíð með nýsköpun og þróun nýrra tækifæra.
Rarik gegnir lykilhlutverki í verðmætasköpun á stórum hluta landsins. Hlutverk fyrirtækisins er að auka verðmætasköpun og lífsgæði viðskiptavina með öruggri afhendingu á endurnýjanlegri orku og samfélagslega ábyrgum rekstri. Rarik setur eflingu byggðar í forgang ásamt því að styðja við orkuskipti og þróttmikið atvinnulíf.
GeoSea nýtir einstaka blöndu af jarðhitavatni og sjó til að skapa upplifun sem byggir á náttúru, vellíðan og sjálfbærni. Fyrirtækið hefur þróað áfangastað sem sameinar nýsköpun í ferðaþjónustu við ábyrga nýtingu staðbundinna auðlinda og styrkir þannig atvinnu- og ferðamannalíf á Húsavík.
Kolofon er hönnunarstofa sem sérhæfir sig í vörumerkja- og upplýsingahönnun og sjónrænum samskiptum. Stofan vinnur með fyrirtækjum og stofnunum að því að skapa heildstæða ásýnd sem endurspeglar kjarna þeirra og styrkir upplifun fólks á vörumerkinu. Kolofon byggir á þeirri trú að góð hönnun sé ekki aðeins falleg heldur einnig skýr, aðgengileg og markviss. Í verkefnum stofunnar mætast skapandi hugmyndavinna, vandað handverk og sterk sérþekking á upplýsingahönnun þar sem flókin skilaboð eru sett fram á einfaldan og skiljanlegan hátt. Verkefni Kolofon spanna allt frá stefnumótun ásýndar, vörumerkjahönnun, lógóhönnun og þróun sjónræns tungumáls yfir í merkingakerfi, stafræna miðla, skýrslur, umbrot, gagnamiðlun og umhverfishönnun. Markmiðið er ávallt hið sama – að skapa hönnun sem gerir heiminn aðeins fallegri og aðeins skiljanlegri.
TONIK er alþjóðleg nýsköpunar- og frumkvöðlahátíð sem haldin er í Færeyjum. Þar koma saman frumkvöðlar, fyrirtæki, fjárfestar og fólk úr nýsköpunarumhverfinu til að miðla reynslu, skapa ný tengsl og þróa hugmyndir. Á dagskránni eru meðal annars fyrirlestrar, vinnustofur, samtöl og fjölbreyttir viðburðir þar sem áhersla er lögð á samstarf, nýsköpun og tækifæri til framtíðar.
Snjallræði er hraðall sem er rekinn í samstarfi við MIT DesignX og byggir á þeirra aðferðafræði. Sérstaðan felst í því að hönnunarhugsun er ofin inn í nýsköpunarferlið, sem gerir kleift að spyrja gagnrýninna spurninga og sameina það besta úr framkvæmdadrifnu atvinnulífi og rannsóknamiðuðu háskólasamfélagi.
Lars Johansson er fjárfestir á sviði hreinnar tækni (cleantech) í gegnum E8, stærsta englafjárfestanet Norður-Ameríku sem einbeitir sér eingöngu að þessum geira. Auk þess að vera virkur fjárfestir hefur Lars stutt starf E8 með setu í stjórn samtakanna frá 2007 til 2022, þar á meðal í nokkur ár sem stjórnarformaður.
MýSköpun er íslenskt líftæknifyrirtæki sem leggur áherslu á þróun og uppskölun iðnaðarframleiðslu á örþörungum. Fyrirtækið var stofnað með það að markmiði að nýta einstaka náttúrulega kosti Íslands til að framleiða fæðubótarefni úr örþörungum á sjálfbæran hátt.
Orkusalan er framsækið íslenskt orkufyrirtæki sem framleiðir og selur rafmagn og býður hleðslulausnir fyrir rafbíla. Fyrirtækið hefur verið brautryðjandi í að þróa snjallar orkulausnir fyrir heimili og fyrirtæki, þar á meðal Orkuleiðir sem gera heimilum kleift að velja raforkukaup sem henta þeirra þörfum. Orkusalan sýnir að orkumál geta verið bæði einföld og skemmtileg.
GeoSilica þróar og framleiðir náttúrulegar heilsuvörur úr verðmætum steinefnum sem unnin eru á sjálfbæran hátt úr íslensku jarðhitavatni. Með rannsóknum, nýsköpun og hátæknilausnum umbreytir fyrirtækið vannýttri auðlind í hágæðavörur sem styðja við heilsu og vellíðan og stuðla að sjálfbærri nýtingu náttúruauðlinda.
Fida Abu Libdeh er stofnandi og framkvæmdastýra GeoSilica Iceland. Hún er orku- og umhverfistæknifræðingur með MBA gráðu og leiðir þróun nýsköpunar sem nýtir íslenskar jarðhitaauðlindir á sjálfbæran hátt til framleiðslu verðmætra steinefna og hágæða heilsuvara.
Orkídea er nýsköpunar- og samstarfsvettvangur sem styður þróun nýrra hugmynda og fyrirtækja á Suðurlandi, sérstaklega á sviði matvælaframleiðslu, líftækni og sjálfbærrar nýtingar auðlinda. Orkídea tengir saman frumkvöðla, fyrirtæki, fjárfesta og rannsóknastofnanir til að efla verðmætasköpun og nýsköpun byggða á grænni orku og endurnýjanlegum auðlindum.
Ottó Elíasson er eðlisfræðingur og framkvæmdastjóri Eims sem hefur lagt áherslu á að tengja rannsóknir, nýsköpun og sjálfbærni til að skapa raunveruleg tækifæri fyrir samfélag og atvinnulíf. Í starfi sínu hjá Eimi hefur hann stutt þróun verkefna á sviði orkuskipta, hringrásarhagkerfis og grænnar atvinnuuppbyggingar með lausnamiðaðri og framsýnni nálgun.
Linda Fanney Valgeirsdóttir er framkvæmdastýra og meðstofnandi Alor, nýsköpunarfyrirtækis sem vinnur að því að efla dreifða orkuframleiðslu á Íslandi með innleiðingu lausna á sviði sólarorku, orkugeymslu og snjallrar orkunýtingar. Markmið Alor er að gera fyrirtækjum, bændum og opinberum aðilum kleift að framleiða eigin orku, auka orkuöryggi og taka virkan þátt í orkuskiptum. Á HönnunarÞingi mun Linda deila sýn sinni á hvernig hönnun og nýsköpun geta stutt við uppbyggingu dreifðari orkuframleiðslu.
LIFE Icewater er stórt samstarfsverkefni sem miðar að því að bæta vatnsvernd og vatnsstjórnun á Íslandi. Verkefnið eykur þekkingu á vatnsauðlindum landsins, styður nýjar lausnir til að bæta vatnsgæði og eflir samstarf sveitarfélaga, stofnana og fyrirtækja um sjálfbæra nýtingu vatns.
Um aldamótin var Húsavík orðin að tilraunastofa í fjölnýtingu jarðhita. Sama vatnið átti að framleiða rafmagn, hita hús, knýja iðnað og nýtast í fiskeldi. Fá sem mest verðmæti úr hverjum lítra.
En Húsvíkingar gengu skrefinu lengra. Volgt affallsvatn frá orkustöðinni kveikti hugmynd um að flytja inn krókódíla frá Bandaríkjunum, meðal annars til að nýta úrgang frá fiskiðnaði.
Krókódílarnir komu aldrei en sagan sýnir hvað getur gerst þegar spurt er; hvað getum við gert meira úr því sem við eigum?
Tengja – turning excess geothermal heat into warm public spaces.
Tumi, Janek and Max from Tengja explain how their vision came to life and what challenges they want to tackle with their geothermally heated objects in the future.
The talk will be accompanied by a short „behind the scenes“ documentary.
Hugdetta er hönnunarfyrirtæki sem hefur aðsetur á Norðurlandi. Fyrirtækið var stofnað af hjónunum og vöruhönnuðunum Róshildi Jónsdóttur og Snæbirni Þór Stefánssyni. Hugdetta sækir innblástur í íslenska menningu, náttúru og daglegt líf og brúar bilið milli hefðbundinnar íslenskrar hönnunar og nútímalegrar nálgunar.
Vertu fjöltengi!
Hvernig tengjum við fólk við eitthvað ósýnilegt eins og orku? Komdu og Vertu fjöltengi! með Madditt & Betu. Þær bjóða í samtal um orkulæsi og hvernig má brúa bilið milli orkufyrirtækja og samfélagsins. Lofum að kveikja neista og tengja saman ólík element.
Margrét Hugadóttir vísindamiðlari og Elísabet Jónsdóttir grafískur hönnuður vinna saman á mörkum hönnunar og menningar- og vísindamiðlunar. Þær hanna sýningar og viðburði sem kveikja neista og virkja sköpunargleðina. Kjarninn í vinnu þeirra er þverfaglegt samstarf, virkt samtal við samfélagið og hönnunarhugsun.
Húsavík Öl er íslenskt handverksbrugghús á Húsavík sem framleiðir fjölbreytt úrval bjóra með áherslu á gæði, staðbundna sérstöðu og skapandi nýsköpun. Fyrirtækið nýtir íslenskt hráefni eftir fremsta megni og stuðlar að fjölbreytni í íslenskri bjórmenningu með nýjum og spennandi vörum.
Listaháskóli Íslands hefur átt samstarf við Hraðið um að efla skapandi hugsun, nýsköpun og tengsl lista við atvinnulíf og samfélag. Með samstarfinu fá nemendur og frumkvöðlar tækifæri til að þróa hugmyndir, vinna að raunverulegum verkefnum og skapa ný verðmæti með þverfaglegri nálgun.
Drift EA er miðstöð nýsköpunar og frumkvöðlastarfs á Norðurlandi sem styður einstaklinga og teymi við að þróa hugmyndir sínar í raunveruleg verkefni og fyrirtæki. Drift EA veitir aðgang að ráðgjöf, fjármögnun, tengslaneti og vinnuaðstöðu með það að markmiði að efla nýsköpun og atvinnusköpun á svæðinu.
HS Orka er stærsti orkuframleiðandi landsins í einkaeigu og ört vaxandi. Nýsköpun hefur ávallt verið hluti af kjarnastarfsemi fyrirtækisins og er uppbygging Auðlindagarðs HS Orku til marks um hana. Þar er áhersla lögð á að skapa tækifæri með fullnýtingu auðlindastrauma, sem falla til við vinnslu jarðvarma, í takti við náttúruna og í góðri sátt við samfélagið.
Valdís Guðmundsdóttir verkefnastjóri í auðlindastýringu segir okkur frá borholu sem varar við eldgosi og jarðhita í hlutverki hleðslubanka.
Erindið hennar fjallar um það hvernig HS Orka hlustar eftir kvikuhreyfingum og leyfir jarðhitaauðlindinni, sem er liprari en okkur grunaði, að hvíla og safna orku í takti við eftirspurn.
Framtíðarsýn Bakka – Bergþór Bjarnason, sveitarstjóri Norðurþings
Bergþór mun fara yfir framtíðarsýn Iðnaðarsvæðisins á Bakka og ræða hvernig svæðið gæti þróast raungerist helstu verkefni sem nú eru í skoðun.
Gagnaver á Bakka – TBD
Aðstandendur gagnaversverkefnis á Bakka munu segja frá sínum áformum.
Bakkavík – Víkingur Gunnarsson, framkvæmdastjóri
Víkingur mun greina frá áformum Bakkavíkur um landeldi á Bakka og greina frá stöðu verkefnisins.
Heidelberg – Þorsteinn Víglundsson
Heidelberg er með í skoðun að hefja vinnslu á móbergi á Bakka, en tilgangur þess er að nota afurðina í framleiðslu á steypu og lækka þannig kolefnisfótspor steypu. Þorsteinn mun segja frá verkefninu og stöðu þess.
Orkey framleiðir lífdísil og efnavöru úr úrgangi. Framleiðslan er staðsett á Akureyri og þar er úrgangi umbreytt í verðmæti. Framleiðsluvörur Orkeyjar bera ekkert kolefnisspor og eru umhverfisvænir staðgenglar hefðbundinnar dísilolíu og lífrænna leysiefna. Orkey bæði þróar nýjar vörur og tekur þátt í vöruþróun með öðrum. Hráefnið getur verið af ýmsum toga og sem hluti af því tekur Orkey óbeint þátt í ICEWATER verkefninu í gegnum Gefn, móðurfélag Orkeyjar.
Á Hönnunarþinginu á Húsavík munu veitingastaðir bæjarins bjóða upp á sérstaka orkutengda rétti sem sækja innblástur í náttúruauðlindir, nýsköpun og orkumenningu svæðisins. Með þessum hætti verður maturinn hluti af upplifun þingsins og sýnir hvernig skapandi hugsun getur tengt saman matargerð, sjálfbærni og orku.
Á Hönnunarþinginu verður boðið upp á silent karaoke þar sem þátttakendur syngja með tónlist sem heyrist í þráðlausum heyrnartólum. Viðburðurinn skapar skemmtilega og óhefðbundna stemningu þar sem gestir geta notið tónlistar og söngs á sinn eigin hátt án þess að trufla umhverfið.
Kristín Hrefna Halldórsdóttir er framkvæmdastjóri Hopp Reykjavík og býr yfir víðtækri reynslu af vöruþróun, nýsköpun og stjórnun. Hún hefur meðal annars starfað hjá Meniga, Origo og Veitum, þar sem hún hefur unnið á mörkum tækni og viðskipta en alltaf til þess að koma til móts við þarfir notenda.
Kristín hefur sérstakan áhuga á því hvernig góðar vörur og þjónusta geta breytt hegðun fólks og gert flókin kerfi einfaldari í notkun. Í dag leiðir hún Hopp Reykjavík þar sem viðfangsefnið er borgin sjálf: hvernig hægt er að nýta tækni, hönnun og ný viðskiptamódel til að gera fólki auðveldara að komast á milli staða án þess að einkabíllinn sé alltaf sjálfgefna lausnin.
Áhersla 2025 var matur og nýsköpun í mat, matvæla- og umbúðahönnun.
Svona var Hátíðin 2024. Þemað var Tónlist.
Árhersla þingsins árið 2023 var vöruhönnun.